بنات الوسطي ضروري

السلام عليكم  

خاصة لطالبات الوسطي 

اقرو هالموضوع عدل ... ما ابي تقولون شكرا و يسلمو وانتم مو عارفين شنو مكتوب 



اعزائي ... باختصار .. انتم عارفين ان الانسان بأدبه و اخلاقه يمثل نفسه بكل مكان .. 

و كوننا بعالم افتراضي و بالنت و محد شايف احد و لا احد عارف احد ... مو معناه اننا نتطاول على اي 
شخص سواء كان معلم او معلمه او زميل بالمنتدى او بالمدرسه !! 


الوسطي.. مو مكان للاساءه لاحد ... و لا ساحه تنفس فيها عن غضبك باستخدام الفاظ ما لها اي داعي !! 

و لا نقبل في هذاالشي ابدا .. أي تطاول يطلع من عضوة .. خاصة على معلمينكم و معلماتكم .. 

اتمنى يكون اسلوبكم بالمنتدى ... نفس الاسلوب اللي تنستخدمونه جدام اهلكم .. اسلوب محترم و مهذب 

... و ودي تاخذون راحتكم و تعبرون عن مشاكلكم 
ولكن هذا لا يعني ابدا انكم تنسون انفسكم و تتكلمون بكلام الله العالم بصحته
و كل شخص تطاول على معلم او معلمه .. اقوله لو معلمك موجود .. جان كتب مجلدات عنك !! 
لا تستغل غيابه و تقول اللي تقوله معتقد ان الموضوع يطوووف ..!! لا احنا هني ما نقبل هذا المستوى من الكلام 
و ما اعتقد ان الطالبة المهذبين اللي يحترمون انفسهم قبل لا يحترمون معلمينهم ممكن 
يدخلون بمشاكل مع اي احد 

عبارات مثل (( مسخرت ابله فلانه ..
.. لو نفتك من فلانه بس جان احنا بخير و غيرها عبارات اقوى و اسوأ ما اقدر انقلها )) مو مقبوله ابداااا


اتمنى تكونون راقين بطرحكم و نقاشكم و سوالفكم حتى وان كانت غشمره 




الرساله وصلت ؟؟ بانتظار ردودكم

شكرا على هذي النصيحة...انتي شكلج مؤدبة و محترمة بس منو انتي عموما انا من بنات صف 8-4
بس الموضوع المهم و الاهم الهواش الي يصير بالمنتدى ما يصير جذي و ترى على فكرة اللي يسوي جذي معناته يبين اهو شنو صفاته السيئة